ދަތުރުކުރާ ފެރީތަކަށް ބަލާލާއިރު އުޅަދުތަށް، ކުރިން ހުޅުދޫ މީދޫއާއި ފަރުތެރެ އާއި ދޭތެރެ ދަތުރުކުރި ދޯނިފަހަރަށްވުރެ ރަގަޅެވެ. ބައެއްފަހަރު ދޯނި ފަހަތަށް ޖެހުމުން ދޯނީގެ ހުންގާނު ޖެކްގެ ބޯލްޓް ނައްޓާއިގެން ދިޔައަސް އަދި ޕަސެންޖަރުންނާއެކު ކަޑަށް ހުއްޓުނަސް ހުޅުދޫ މީދޫއާއި ފަރުތެރާދެމެދު ދަތުރުކުރާދޯންނަށްވުރެ މުލަކާއި އައްޑޫދޭތެރޭ ދަތުރުކުރާ ދޯނީގެ ފެންވަރު ރަގަޅުކަންވެސް އަޅުގަޑު ފާހަގަ ކޮށްލަމެވެ.

މިހުރިހާކަމެއް މިހެންހުރެމެ އަދި ސަރުކާރުގެ ވައުދު ނަމެއްގަވިޔަސް ފުއްދިފައިވާއިރު ސުވާލަކީ ހުޅުދޫ ރައްޔަތުންނަށް މި ދަތުރުފަތުރުގެ ނިޒާމުން ލިބެނީ ފަސޭހަތޯ ނޫނީ ގެއްލުންތޯއެވެ. ދަތުރުކުރާ ހުޅުދޫ މީހުން ދަތުރުކުރަނީ ހިތްހަމަ ޖެހިގެން އަދި ދަތުރުކުރާހިތުންތޯ ނޫނީ އެހެން ގޮތެއްނެތުނީމާ މަޖުބޫރުވީމަ ދަތުރުކުރަނީތޯއެވެ. މިހުރިހާ ކަމަކަށް ބަލާއިރު އަޅުގަޑަށް ވިސްނުނީ އެންމެ ކަމެކެވެ. ދިވެހިރާއްޖޭގެ ގާނޫނޫއަސާސީގައި ބުނެފައި އެވާ ކޮންމެ ދިވެހިރައްޔަތަކީ ދިވެހިރާއްޖޭގައި ހަމަހަމަ މީހެއްކަމަށާއި އަދި ވަކިޖިންސަކަށް ވަކި އުމުރަކަށް އެއްވެސްތަފާތުކުރުމެއްނެތި ދިރި އުޅެވޭނެ ކަމަށް ބުނާ ބުނުމާއި ދިމާ އިދި ކޮޅަށް ދާތަނެވެ. އަޅުގަޑުމެން ހުޅުދޫ ރައްޔަތުންނާއި ދޭތެރޭ ތަފާތުކުރަމުން ދާތަނެވެ. އަޅުގަޑަށް އެގޭ ކަމަކީ ހުޅުދޫ މީހަކު މީދޫ ޖެޓީއަކުން ފުރައިގެން ދާކަށް ހިތްހަމަނުޖެހޭނެ ކަމެވެ. އަދި މި ދެންނެވުނު ދަތުރުފަތުރުގެ ނިޒާމުން ސީދާ ހުޅުދޫ ރައްޔަތުންނަށް ލިބެމުން ދަނީ ބޮޑު ގެއްލުމެއްކަން މިއަދުގެ ސަރުކާރަށާއި ހުޅުދޫ އިބްރާހިމް ކޮށްކޮއަށް އަންގާދެމެވެ. މި ދަތުރުފަތުރުގައި ހުރި ދަތިކަމާއި އުދަގޫބޮޑުކަން އެންމެ ބޮޑަށް އެގޭނެ އެކަކަށް އިބްރާހިމްކޮށްކޮވާނެކަން ޔާގީނެވެ.

ވައުދެއްވެފަ އެވައުދެއް ފުއްދާއިފީމޭ ބުނެވޭ ބަހުގެ މާނައަކީ އެކުރެވުނު ވައުދަކާ ސީދާގުޅުންހުރި ބަޔަކަށް ނޫނީ ކަމަކަށް އެކަމުން ލިބެންޖެހޭ ފަސޭހަތަކާއި ނަފާއެއް ލިބިގެން ދިއުމެވެ. އެހެންނަމަވެސް މިއަދު މިފެންނަނީ ދިމާ އިދިކޮޅަށެވެ. މީގެ ކުރިންވެސް ހުޅުދޫ މީދުއާއި ފަރުތެރެއާއި ދެމެދު ކުންފުންނަކުން ވަނީ ދަތުރުފަތުރުކޮށްފައެވެ. އެހެންނަމަވެސް އެއީ ކޮންމެ ސަރުކާރަކުން ކުރިކަމެއްކަމުގައިވިޔސް ޙިދުމަތް ދީފައިވަނީ ދެފަރާތަށްވެސް ހަމަހަމަ ވާގޮތަށެވެ. ވަކިފަރާތަކަށް ބުރަކޮށެއްނޫނެވެ. ހުޅުދޫއިން މީހުންނަގައިގެން މީދުއަށް ކާރިކޮށްފަ މީދޫމީހުން ނަގައިގެން ނޫނީ ދުވަހަކުވެސް ދަތުރެއްކޮށްފައެއްނެތެވެ. ބަޔަކު ޙިދުމަތާދޭތެރޭ ބުނާނައެއްޗެއްނެތެވެ.

އެހެންނަމަވެސް އޯގާތެރި ސަރުކާރުގެ ދަތުރުފަތުމީ ޔަގީންކުރެވޭގޮތުގައި ވަކިފަރާތަކަށް ހިބައިންދީފަ ވަކިރަށެއްގެ ބަޔަކު ދަރުތުކުރަން އޮންނަ ފެރީއެކެވެ. ހުޅުދޫ މީހުންނަށް ރަށުގައިތިބެފަ ޓެކުސީއަކަށް ލާރިދީގެން ނޫނީ ލާރިނެތްމީހުން ހިގާފަ ދޯންނާއި ހަމައަށް ދެވޭއިރު ދޯނީގެ ޖާގަ އޮންނަނީ ހުސްވެފައެވެ. ބޮޑެތި ދުފާ ކޮތަޅުތަށް އުގުމަތީ ބާއްވައިގެން އަގައިގެ ދެމިޔަކަނުން ކުޅުވައްޓާލައިގެން ހެވިފަ ތިބޭތަން ފެންނަނީ މީދޫ މީހުންނެވެ. ހުޅުދޫ ބަޔަކަށް ޖާގައެއްނެތެވެ. އަޅުގަޑުމެން ދާންބޭނުންކަމުގައި ވަނީ ނަމަ ޖެހެނީ ދޯނީގައި ކޮޅަށްތިބޭށެވެ. އެހެންނަމަވެސް އިށީދެގެން ހުންނަ މީދޫމީހާއާއި އެއްވަރަކަށް ލާރިދޭންޖެހެއެވެ. ދޯނީގައި ބަޔަކު ކޮޅަށްތިބީ ޖާގަ ފުރިގެންތޯ ނޫނީ އިށީއްނާނެއް ގަލެއް ނުފެނިގެންތޯ ކައްޕި ވެސް ބަލާކަށް ބޭނުމެއްނުވެއެވެ. ކުއްވެރިވެދާނެތީތޯ ނޫނީ ލިބޭ ލާރި މަދުވެދާނީތޯ ރަގަޅަށް އެގޭނީ ކައްޕިއަށެވެ.

މީދޫ މީހުންނަކީ ޒާތެއްގެ ބައެކެވެ. ކަމެއްބޭނުންވެއްޖެ ކަމުގައިވަނީނަމަ ކުޑަކުދިން ބޮޑާހާކާހެން ބޮޑާހޭކުމާއި ގޮތް ދޫކުރަނުކުރުމަކީ އާކަމެއްނޫނެވެ. ކުރިން ދަތުރުފަތުރު ދޯނި ނެތްއިރު މީދޫ މީހުން ގަމަށްދާދޯނި ހަލާކުވުމުން ކޮންމެދުވަހަކު ހުޅުދޫ ބީރާ ދޯނި ( ދޯނީގެ ނަމެއްނޭގޭ )ޖެހެނީ މީދޫއަށްގޮސް މީދޫ މީހުންނަގައިގެން ގަމަށް ދާށެވެ. ދުވަހަކުވެސް މީދޫ މީހަކު ހުޅުދޫއަށް ގޮސް ހުޅުދޫ ޖެޓީއަކުން ފުރައިގެން ގަމަށްދާކަށް ބޭނުމެއްނުވެއެވެ. ޙަރަދުކުޑަވާނެ ގޮތަކަށް އެހީތެރިވާކަށްވެސް އެމީހުންބޭނުމެއް ނުވެއެވެ. އެހެންނަމަވެސް ހުޅުދޫ ގަމަށްދާ ދޯނި ހަލާކުވެއްޖެ ކަމުގައި ވަނީނަމަ ހުޅުދޫ މީހުން ޖެހެނީ މީދުއަށް ގޮސް މީދޫ ޖެޓީއިން ފުރައިގެން ދާށެވެ. މީ ތާރީޙްގައި ކަންވެފައި އޮތްގޮތެވެ. އަނެއްކާވެސް މިއަދު މިއޮތީ ތާރީޙް އިއާދަވެފައެވެ. މިއަދު ހުޅުދޫގައި ގަމަށްދާނެ ދޯނެއްނެތެވެ. ހުސެއިނާ ހުރީ ޗުއްޓީގައެވެ. ހުޅުދޫމީހުން ޖެހެނީ މީދޫއިން ފުރައިގެން ގަމަށް ދާށެވެ. ކޮންކަހަލަ އިންސާފެއްތޯއެވެ. ސަރުކާރުޕާޓީގެ ދިދައިގެ ތިލަފަތް ހަމަހަމަ ވިޔަސް ކަމާއި ބަހުން ހަމަހަމަ ނުވާކަމުގައިވަނީނަމަ އިބްރާހިމްކޮއްކޮ އާއި މަނިކްފާންގެ ސަރުކާރާއިދޭތެރޭ ރައްޔަތުންވެސް އަދި މަކަލޯ ފަކީރާވެސް ވިހުރުވާލާނީ ޓާޓާގެ އަތެވެ.